သိန်း ၆၀ ကျော်ပေးမှ တက်လို့ ရတဲ့ မြန်မာပြည်က ကမ္ဘာ့အထူးဆန်းဆုံး စက်လှေကား(မြန်မာပြည်မှာ လူဖြစ်ရတာ သိပ်ကံကောင်းတာပဲ)
ပုံမှာ မြင်ရတဲ့ စက်လှေကားကတော့ ကမ္ဘာပေါ်မှာ အထူးဆန်းဆုံး စက်လှေကားပဲ ဖြစ်ပါတယ်။ သိန်း ၆၀ ကျော် ပေးမှသာ အဆိုပါစက်လှေကားကို တက်ခွင့်ရမှာ ဖြစ်ပါတယ်။ အဲဒီစက်လှေကားကတော့ မြန်မာပြည် ရန်ကုန်အပြည်ပြည်ဆိုင်ရာ လေဆိပ်ထဲက ပြည်ပထွက်ခွာနေရာမှာ ရှိပါတယ်။ လတ်တလော ပြည်ပထွက်ခွာမယ့် လူငယ်တွေဟာ စာရွက်စာတမ်းအထောက်အထား မည်မျှ ပြည့်စုံနေပါစေ၊ နောက်ထပ် သိန်း ၆၀ ကျော် လာဘ်ပေးမှသာ ပြည်ပထွက်ခွာခွင့်ကို ရမှာ ဖြစ်ပါတယ်။
ပိုက်ဆံမပေးနိုင်ရင်တော့ အဲဒီလှေကားကနေ ပြန်ဆင်းလာရမှာပဲ ဖြစ်ပါတယ်။ ကိုယ့်ပိုက်ဆံနဲ့ ကိုယ် နိုင်ငံခြားထွက်တာကို အထောက်အထား အပြည့်အစုံ ရှိနေပေမယ့်လည်း လာဘ်ငွေ ထပ်ပေးရတဲ့ နိုင်ငံဟာ ကမ္ဘာပေါ်မှာ ရွှေပြည်ကြီးတခုသာ ရှိမယ် ထင်ပါတယ်။ သယံဇာတပေါကြွယ်ဝတဲ့ ရွှေပြည်ကြီးကတော့ ထူးခြားအံ့ဩစရာတွေနဲ့ ပြည့်နှက်လို့ နေပါတော့တယ်။