ပေါလောကရဲ့ အလွန်စိတ်ပျက်စရာကောင်းလှတဲ့ ပေါကားတွေ

လူမျိုးစုတိုင်း၏ ရိုးရာဓလေ့ ၀တ်စုံတိုင်းဟာ လက်လွတ်စပယ်အသုံးပြုသင့်သောအရာမဟုတ်ဘဲ ချစ်မြတ်နိုးစွာ အလေးထားသင့်သောအရာဖြစ်ပါတယ်။

ထိုရုပ်ရှင်ကား၏ ရုပ်ရှင်အမည်ဟာ အိန္ဒိယလူမျိုးစုကို လှောင်ပြောင် ပျက်ရယ်ပြုဖို့အတွက် ဖန်တီးထားသော လူမျိုးရေးခွဲခြားမှုများဖြင့် လှောင်ပြောင် စနောက် ခနဲ့ရန် ပြုလုပ်ဖန်တီးထားသော စကားတစ်ခုဖြစ်ပါတယ်။

ထိုစကားဟာ အိန္ဒိယစကားများတွင်လည်း ထိုစကားလုံး၊ အသုံးအနှုန်းမရှိရုံမက အိန္ဒိယအနွယ်၀င်များကို တွေ့သည့်အခါ လေးစားမှုမရှိဘဲ လှောင်ပြောင်ပြောဆိုရန် အသုံးပြုသော စကားဖြစ်ပါတယ်။

ရိုးရာ၊ ယဉ်ကျေးမှု၊ လူမျိုးရေးဟာ ပျက်ရယ်ပြုစရာမဟုတ်သည့်အတွက် ဟာသတစ်ခုလုပ်ထားခြင်းဟာ လူမျိုးစုတစ်ခုလုံးကို နှိမ့်ချခြင်းဖြစ်တယ်လို့ ယူဆမိပါတယ်။

လူမျိုးစုတစ်စုက မြတ်နိုးလေးစားစွာ ၀တ်ဆင်တဲ့အ၀တ်အစားကို ဟာသပြုဖို့အတွက် သီးသန့်၀တ်တာဖြစ်တဲ့အတွက် အလွန်စိတ်ပျက်မိပါတယ်။ကျွန်တော်တို့ရဲ့ အသိုင်းအဝိုင်းမှာ အခုလိုမျိုးတွေ ပြောနေတာတွေ လုပ်နေတာတွေ မရှိတဲ့အတွက်ကြောင့် သူတို့အနေနဲ့ အခုလိုလုပ်ခြင်းဟာ အလွန်စိတ်ပျက်စရာကောင်းလှပါတယ်။နောက်ဆုံးအနေဖြင့် ရုပ်ရှင်ရိုက်ကူးရေးလုပ်တဲ့သူတွေအနေနဲ့ ပြည်သူလူထုကို ဟဿရသ ပေးစေချင်တဲ့ ရည်ရွယ်ချက်နဲ့ ရုပ်ရှင်ရိုက်ကူးခြင်းဖြစ်သော်ငှား သူတို့ပြောတဲ့ စကား၊ အသုံးအနှုန်း၊ အပြုအမူစတဲ့ အရာ တွေက ဘယ်လို လူတွေကို ထိခိုက်စေမလဲ၊ ဘယ်လိုသက်ရောက်မှုရှိမလဲဆိုတာကို အရင်သုံးသပ်ရပါမယ်။ယခုရုပ်ရှင်ဟာ လူမျိုး တစ်စုကို ဟာသအနေနဲ့ ခုတုံးလုပ်နေထားခြင်းဖြစ်သည့်အတွက် အထူးစိတ်ပျက်ဖွယ်ကောင်းပါတယ်။ရုပ်ရှင်ရိုက်ကူးတဲ့အခါမှာ သုံးနှုန်းတဲ့ အသုံးနှုန်းတွေနဲ့ ဘယ်လူမျိုးစုကိုမှ မထိခိုက်ဘဲ၊ ခွဲခြားမှုမရှိဘဲ ဟဿရသ ရအောင်သာ ရိုက်ကူးစေချင်ပါတယ်။