ကူးစက်မြန် ဗြိတိန်ကိုဗစ်ပိုးသစ် ထိုင်းနိုင်ငံမှာ စတွေ့ပါပြီ (အထူးသတိထားသင့်ပြီ မြန်မာပြည်)

ကူးစက်မြန် ဗြိတိန်ကိုဗစ်ပိုးသစ် ထိုင်းနိုင်ငံမှာ စတွေ့ပါပြီ (အထူးသတိထားသင့်ပြီ မြန်မာပြည်)

ဗြိတိန်နိုင်ငံထဲမှာ ကူးစက်နေတဲ့ ကိုရိုနာဗိုင်းရပ်စ်မူကွဲသစ်ကို ထိုင်းနိုင်ငံထဲမှာ တွေ့ထားပြီလို့ ထိုင်းနိုင်ငံ ချူလာလောင်ကွန်းတက္ကသိုလ်က ဗိုင်းရပ်စ်ပိုးမွှားဗေဒပညာရှင် ဒေါက်တာယောင်ပူးဗွိုရာဝမ်က ဇန်နဝါရီ ၃ ရက်မှာ ပြောလိုက်ပါတယ်။ချူလာလောင်ကွန်းတက္ကသိုလ် ဆေးပညာဌာန လက်တွေ့ အသုံးချ ဗိုင်းရပ်စ်ပိုးမွှား ဌာနဟာ ဗိုင်းရပ်စ်ရဲ့ မျိုးဗီဇကို စစ်ဆေး လေ့လာခဲ့အပြီး B.1.1.7 မူကွဲလို့ သိကြတဲ့ ဗြိတိန်နိုင်ငံမှာ တွေ့ရှိတဲ့ ဗိုင်းရပ်စ် ဖြစ်နေခဲ့တယ်လို့ ဒေါက်တာယောင်က ဇန်နဝါရီ ၃ ရက်မှာ ဖေ့စ်ဘွတ် လူမှုကွန်ရက်ပေါ်ကနေ ဒီသတင်းကို တင်ပြခဲ့ပါတယ်။

ဗြိတိန်နိုင်ငံ အင်္ဂလန်နယ် ကန့်မြို့က လာတဲ့ လူ ၄ ယောက်ပါတဲ့ မိသားစုကနေ ကူးစက်ခဲ့တာပါ။ သူတို့ဆီကနေ ဗိုင်းရပ်စ် မကူးစက်ရအောင် အစိုးရရောဂါခြေချုပ် ဟိုတယ်ကွာရန်တင်းနဲ့ သီးခြားခွဲထားပါတယ်။ဒီဗိုင်းရပ်စ် မူကွဲဟာ ပိုလွယ်လွယ်ကူးစက်နိုင်ပြီး ဒီမိသားစုထဲမှာ ချက်ချင်း ကူးစက်ခဲ့တယ်။ မိသားစုဝင်အားလုံး ကူးစက်ခံထားရတယ်လို့ ထိုင်းအခြေစိုက် သနေးရှင်းသတင်းဌာနက ဖော်ပြပါတယ်။ဆေးဘက်ဝန်ဆောင်မှုဌာနကတော့ ပြည်လုံးကျွတ် ကိုဗစ်လူနာတွေကို ကုသပေးဖို့ ဆေးရုံခုတင် ၂၂,၆၉၀ ကျော်ကို အသင့်ပြင်ထားပြီလို့ ဇန်နဝါရီ ၂ ရက်က ပြောပါတယ်။

 

ကိုဗစ် ကပ်ရောဂါ ကူးစက်ခံ လူနာ ၅၀ ကျော်စီရှိတဲ့ ဘန်ကောက်၊ စမွတ်စာခွန်နဲ့ ကျန်တဲ့ အနီရောင်ဇုန်ထဲက ပြည်နယ်တွေအတွက် ခုတင် ၂၇၇၈ ခု အဆင်သင့် ထားထားတယ်လို့ ဒုညွှန်ချုပ်က ပြောပါတယ်။ထိုင်းနိုင်ငံမှာ ဇန်နဝါရီ ၃ ရက် မွန်းလွဲ ၁ နာရီထိ အတည်ပြုချက်အရ ကူးစက်ခံ ၇,၆၉၄ ယောက် ရှိပြီး ကူးစက်ခံ ၆၄ ယောက် သေဆုံးထားပါတယ်။ဗြိတိန်က ကိုဗစ်ဗိုင်းရပ်စ် မျိုးဗီဇသစ်ကို ထိုင်းတွင် တွေ့ ရှိနေရ ပြီ။ မြန်မာအစိုးရနဲ့ စစ်တပ်အနေဖြင့် ထိုင်းနယ်စပ်ကို သေချာပိတ်ဆို့ရန် လိုအပ် ထိုင်းမှာရောက်နေတဲ့ ဗြိတိန် ကိုဗစ်မျိုးသစ်ဟာ မြန်မာကို တတိယလှိုင်းဖြစ်စေနိုင်လိမ့်မည်ဟုသုံးသပ် ရပါတယ်

 

မြန်မာပြည်ရဲ့ ကိုဗစ် ဒုတိယလှိုင်းဟာ ဘင်္ဂလားကလာခဲ့တယ်။ တတိယလှိုင်းဟာ ထိုင်းကနေလာဖို့များပါတယ်။ မြန်မာလုပ်သားတွေက ခိုးဝင်ပေါက်တွေကနေသယ်လာကြလိမ့်မယ်။သတိအကြီးကြီးထားမှဖြစ်မယ်